Ad Banner
Ad Banner
Ad Banner
Ad Banner

Real Madrid siguron tjetër fitore, mposht në udhëtim Real Sociedadin

22:55 | 4 Dhjetor 2021
Lorik Gerbeshi

Real Madrid ka arritur të fitojë kundër Real Sociedadit me rezultat 2-0 në kuadër të xhiros së 16-të të LaLigës.

Në pjesën e parë nuk u shënua asnjë gol, por madrilienët morrën një lajm të keq pasi Karim Benzema u lëndua dhe u desh të zëvendësohej qysh në minutën e 18-të nga Luka Jovic.

Qysh në fillim të pjesës së dytë, Vinicius Junior shënoi për rezultatin 1-0 në minutën e 47-të të ndeshjes.

Menjëherë pas 10 minutash, Luka Jovic shënoi edhe golin e dytë dhe të fundit të ndeshjes. Por, ky ishte goli i parë i tij këtë sezon.

Ndeshja deri në fund pati disa raste, por shifrat nuk ndryshuan dhe “Los Blancos” arritën të arkëtojnë tri pikët e radhës.

Pas kësaj fitore, Real Madrid vazhdon kryesimin në renditjen tabelare të LaLigës me 39 pikë të grumbulluara, ndërsa Real Sociedad gjendet në vendin e pestë me 29 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm